Helgi Þór

helgithor.wordpress.com

2008-02-17T10:40:00.001Z

Já ég veit......

Ekki orð

Nýtt blogg á http://helgithor.wordpress.com

Hvað er málið :) ?

2008-01-29T14:16:00.000Z

Afhverju get ég ekki bloggað?

Er þetta leti ?

Sveimér þá, ég veit ekki.....

Á meðan að bloggi ðmitt liggur í dvala þá er mín ástkæra sambýliskona sem á aaaafmæli á föstudaginn dugleg að blogga, í það minnsta duglegri en maðurinn;)

http://www.123.is/elisabet456

Jólablogg !

2007-12-08T13:11:00.000Z

Ókei. Vááváávííívaaaa... Hvar byrjar maður?!

Það hefur ýýýmislegt gerst síðan ég bloggaði síðast. Það er nánast fyndið hvað maður getur verið fáránlega latur við að skrifa inn nokkrar línur en svo þegar maður byrjar þá getur maður varla hætt.

Ég var semsagt í prófum í hraðbraut sem ég var að klára í gær og nááááði öllu :-) vúhú! Sem þýðir að ég er kominn í jólafrí í það minnsta frá skólanum þó að ég byrji að vinna núna í Símanum og á FM aaalveg í kreisí törn fram að 18.des en þá verður tekið Símafrí þó svo að ég verði í úgvarpinu meira og minna öll jólin.

Það sem meira er er að snjórinn er kominn og jóóólalögin hljóma =) Allt að gerast....

Annars er hún Beta mín enn að prófast og verður það til 20.des..! Situr heima og lærir og lærir :-) ... ekki fær hún þennan lærdómsdugnað frá mér svo mikið er víst!

Ég ætla ekki að hafa þetta lengra í bili ! Ætla að dæla inn fleiri myndum fljótlega.. Ný myndasíða á http://helgimyndir.myphotoalbum.com !

Þar til næst ! ;)

Cyanide and Happiness

2007-11-24T21:05:00.000Z

Hvað hugsar þú :) ?

2007-11-21T13:00:00.000Z

Ég var að koma úr mötuneytinu í Símanum þar sem við Benni áttum góðar umræður um hið vinsæla umfangsefni rökræðna: Trúarbrögð.

Við Benni erum nokkuð sammála í þessum efnum og erum í raun ekki ,,trúaðir" í þeim skilningi sem í orðinu felst en trúum þó á okkur sjálfa, almenna skynsemi, góða siði og venjur, kærleik og lykilhugtakið ,,það sem þér viljið að aðrir menn gjöri yður það skulið þér og þeim gjöra", og þótt setningin sé tekin úr biblíunni þá gæti hún allt eins hljómað ,,Komdu fram við aðra eins og þú vilt að aðrir komi fram við þig".

Nú, aðalmálið í þessum pælingum okkar var þetta með hversu stór hluti mannkyns virðist hafa fatlaða rökhugsun þegar kemur að mikilvægum ,,lífs-gildis" málum á borð við trú, pólitískar afstöður og aðra hluti sem við í raun byggjum samfélagsgildi og líf okkar á.

Ég vill samt taka fram, og helst MEÐ STÓRUM STÖFUM að nú er ég á engan hátt að gera lítið úr trú eða reyna að fá fólk til að hætta að trúa. Það eina sem ég vill að fólk geri er einfaldlega að taka sig til og hugsa fyrir sig sjálf. Aðeins að vakna til umhugsunar, leggja hlutina á borðið, og taka ákvörðun um hvað þér finnst rökrétt.

Ég bendi hér á frábæra færslu sem Benni skrifaði um það hvernig guðir nánast allra trúarbragða eru byggðir á sama grunninum, stjörnufræði. Ég hvet þig til að kíkja á greinina hans Benna en þetta eru mjög merkilegt allt saman.

Það er tilhneiging mannsins, og hefur verið frá upphafi mannsins eins og við þekkjum hann í dag að trúa á eitthvað, hafa e-ð til þess að styðja þig og styrkja og gera þér ljóst að þú ert ekki ein/einn í þessum heimi. Þetta er allt saman mjög skiljanlegt, auðvitað er frábært að trúa. Hver vill ekki trúa því af öllu hjarta að það sé líf eftir dauðann, að heimurinn sé ekki svona stór og þú svona lítill því í raun og veru séum við mennirnir, aðalskepnan, guð horfir til okkar, æðri vera sem passar okkur.

EN æj ... ég ætla ekki að fara dýpra útí þetta eða mínar skoðanir á öllum þessum málum því eins og ég sagði þá er tilgangur þessarar færslu að fá fólk til að hugsa. Spáðu aðeins í þessu. Hverju trúir þú? Afhverju nákvæmlega? Því að pabbi þinn og mamma kenndu þér það? Afþví að heimurinn allur segir það? Af því að ,,það bara er svoleiðis"? Ímyndaðu þér að þú sért sá sem allt veist og það sem þér finnst og segir er það sem heimurinn fylgir. Afhverju er guð til ? Hefurðu séð það ? Eða bara lesið það í bók? Eins og allir hinir í heiminum ...

Egyptar sem trúa á Hóras sem fæddur var af hreinni mey þann 25.desember og átti 12 lærisveina. Grikkir sem trúa á guðinn sinn Attis sem fæddur var þann 25.desember af hreinni mey, stjarna vísaði á hann og hann átti 12 lærisveina. Við trúum á okkar Jesú sem fæddist þann 25.desember af hreinni mey og jaddíjaddí, við þekkjum öll söguna.

Ef ég segði þér í dag að Gunnar langalangalangafi minn sem var uppi árið 1540 hafi getað flogið, myndirðu trúa því. Auðvitað ekki. Það væri heimskulegt. En spurðu þig nú, myndirðu trúa því ef að ALLUR HEIMURINN tryði því og segði þér að það væri í raun og veru satt. Mamma þín og pabbi. Amma þín og afi. Allir. Auðvitað gat hann Gunni gamli flogið. Það vita allir.

8 og 9 ára kærðir fyrir nauðgun !

2007-11-20T10:38:00.000Z

Ég er ekki beint fyrstur með fréttirnar í dag en ég bara varð að skrifa aðeins um grein sem að birtist á mbl.is í gær sem segir frá 8 og 9 ára strákum sem kærðir hafa verið fyrir mannrán og nauðgun á 11 ára gamalli vinkonu sinni á meðan þau voru að leik út í skógi.

,,Þrír bandarískir piltar á aldrinum 8-9 ára eru í haldi lögreglu grunaðir um að hafa rænt 11 ára gamalli stúlku og einn þeirra hafi síðan nauðgað henni í skógi í nágrenni úthverfis Atlanta. Voru piltarnir handteknir í dag en meint nauðgun átti sér stað á fimmtudag. Móðir stúlkunnar kærði nauðgunina til lögreglu í gær.

Samkvæmt upplýsingum frá lögreglu var stúlkan að leika við drengina er þeir fóru með hana í skóginn þar sem einn piltanna nauðgaði henni. Eru drengirnir kærðir fyrir nauðgun, mannrán, nauðung og kynferðislegt ofbeldi, samkvæmt upplýsingum frá lögreglu. Ekki hefur verið ákveðið af saksóknaraembættinu hvort réttað verður yfir þeim sem fullorðnum."

Er ekki allt í lagi ?? Ekki ákveðið hvort réttað verður yfir þeim sem fullorðnum. Hvernig í ósköpunum er hægt að rétta yfir börnum undir 10 ára aldri eins og fullorðnum einstaklingum. Nú ber sögum barnanna ekki einu sinni saman og margir vilja meina að móðir stúlkunnar hafi brugðist á þennna hátt við þegar dóttir hennar sagði að þau hefði verið í læknisleik út í skógi.

Mér bara blöskrar þetta svo ótrúlega og mér finnst bara með ólíkindum að Bandaríska réttarkerfið minni mann stundum á dómarana í Kongó sem eru að dæma geitur í 3 ára fangelsi. Þetta er ekki mikið skárra. Alveg sama hvað þessi börn gerðu af sér. Þú dæmir þau ekki eins og fullorðna einstaklinga. Kolbrjálað og siðblint 8 ára barn á ekki að líða fyrir uppeldi sitt með því að sitja í fangelsi næstu 50 árin.

Hvar eru foreldrarnir ... ?

Innflutningspartý

2007-11-12T11:13:00.000Z

Jæja við létum loksins verða af því að halda innflutninspartý á Miklubrautinni eftir maaaargar áskoranir. Það hafa sko liðið all nokkrar helgar síðan við fluttum inn sem við höfum "ætlað" að bjóða nokkrum vel völdum vinum í heimsókn en svo bara einhvernveginn var alltaf skóli eða vinna sem tók völdin þau skiptin:)

EN... partíið á laugardaginn fannst mér alveg bæta upp fyrir þessa bið, amk svo ég tali fyrir mig :) Held að flestir hafi skemmt sér konunglega, þó svo að sumir hafi skemmt sér MUUN meira en aðrir ;)

Ég veit amk að nágranninn okkar þakkaði sérstaklega fyrir fallegan keðjusöng í þríröddun...

HÉR ERU MYNDIRNAR >> LOKSINS ;)

Lífið komið í eðlilegt horf og .... JÓLIN NÁLGAST VÚHÚ !!!!

2007-11-04T08:59:00.000Z

Þegar ég byrjaði aftur að blogga þá lofaði ég e-m ónefndum því að ég myndi aldrei láta líða lengur en mánuð á milli bloggfærslna svo í ljósi drengskaparloforðsins þá mátti ég til með að henda inn einni færslu.

Heyrðu já.... að frétta...? Ég og Beta erum búin að koma okkur fyrir í kotinu okkar góða og allt meira og minna orðið klárt. Það er alveg ótrúlegt hvað það er yyyndislegt að eiga sitt eigið heimili, eiginlega kom mér á óvart. Það er einhvernveginn ALLT öðruvísi að leigja e-a íbúð sem e-r á en að koma heim til sín eftir langan dag í vinnunni (eða vinnunum) og setjast uppí sófa ,,heima hjá sér".

Annars er búið að vera svo kreisí mikið að gera uppá síðkastið. Sjálfur er ég að vinna upp mína 70% vinnu fyrir þennan mánuðinn á svona ca 10 dögum og svo byrjar skólinn aftur á fullu á morgun. Elísabet er búin að vera í verknámi OG í vinnu OG að skila allnokkrum risa ritgerðum í skólanum OG reyna að byrja að læra undir prófin OG ...... já, en semsagt búið að vera kreisí eins og heyra má og við getum ekki BEEEÐIÐ eftir jólunum !!!

...talandi um jólin, þá finnst mér svo ótrúlega skemmtilegt að í fyrsta skipti í ár alveg síðan ég var barn hlakka ég til jólanna á þennan gamla góða jóla-hátt. Ég get ekki beðið eftir því að geta sofið út á morgnanna, verslað jólagjafir, setið heima og skrifað jólakort og borðað tilbúnar keyptar piparkökur úr búð og drukkið dísætt jólaöl, farið í bæinn á þorláksmessu (jafnvel með jólasveinahúfu), hitt fjölskylduna (báðar mínar) .. og bara, notið þess að eiga smá rólegan tíma án vinnu, skóla, verkefna, prófa, málningarvinnu eða almennu stressi. Þetta sýnir sig best í því að ég kem heim daglega og byrja að segja Elísabetu frá öllum utanlandsferðatilboðunum sem ég var að skoða í vinnunni. Allavega, verður fríið langþráð :)

Ég er meira að segja farinn að ganga svo langt í fyrsta skipti á ævi minni að vilja fá jólaljósin upp snemma í ár og svindla smá... oooog ég setti gamla Hvít Jól jóladiskinn á í gær, og þá fyrst komst ég í jólastuð.

Hefurðu spáð í því hvað jólin væru mikið minna hátíðleg jólaleg án tónlistar, jólalaganna. Ef maður færi út á þorláksmessukvöld, allt skreytt og litríkt og fagurt og svo hlustaði maður bara á Justin og 50 cent í útvarpinu á meðan.

Nei! Eins mikið og maður vill ekki að það byrji of snemma þá finnst mér svo frábært þegar útvarpsstöðvarnar byrja með jólalögin og gjörsamlega jólanauðga manni. En hátíðlegt orð, jólanauðgun. :o(

Ég segi Chest nuts roasting on an open flame .... (man ekki titilinn), Jólahjól, jólalagið með í svörtum fötum, ég sá mömmu kyssa jólasvein og Snjókorn falla!

Hvað er uppáhaldsjólalagið þitt ?

Fluttur inn :o)

2007-10-10T15:45:00.000Z

Loksins loksins sá ég að það var kominn tími á nýja bloggfærslu enda ekki lítið að frétta! Eins og glöggir vinir og vandamenn ættu að vera búnir að frétta þá er ég fluttur inn í nýju íbúðina með Betunni minni, kominn í sambúð og allt skráð og skrifað :-)

Íbúðin sem í fyrstu var með einu risastóru GRÆNU svefnherbergi, gráum hurðarlistum og gluggakistum og ógeðs-mangó gulum veggjum annarstaðar í íbúðinni er nú orðinn eins og ný. Við tókum okkur til (misstum okkur aðeins) og máluðum ALLT í íbúðinni. Alla veggi, loftin, alla hurðarkarma og gluggakistur og ég veit ekki hvað og hvað.

Hér með lofa ég myndum úr höllinni sem allra fyrst :-) (um leið og netið kemur íbúðina) .... en svo er reyndar mjög líklegt að Beta verði á undan mér þar sem hún er þekkt fyrir elju og metnað í bloggheiminum .... :-D
www.123.is/elisabet456

Svo var fleira að gerast en ég og mamma ákváðum að skipta um bíl. Með því sigldi gamli góði Opelinn úr hlaðinu og í staðinn er kominn fagurrauður Volvo S40 sem mun prýða Miklubrautina! Myndir koma síðar :-)

Annars er skólinn að pirra mig þessa dagana. Aðallega af því að í öllu íbúðarstússinu þá gleymdist hann dáldið og nú er ég ekki aaaalveg í bestu málunum en það vonandi reddast. Sem það reyndar pottþétt gerist, Volvo, nýtt (mitt fyrsta) alvöru heimili, og mín ástkæra sambýliskona :-) .....gerist það mikið betra :-)

meira fljótt...

Helgi

Smá pælingar.....

2007-09-20T18:19:00.000Z

e.ct.

Ef þú ert að melta það með sjálfum þér hvort læknisfræðifræði sé réttur kostur fyrir þig ert þú í sömu sporum og ég. Þessi ákvörðun, hvað vill ég gera við líf mitt, er ekki lítil en í raun samt svo einföld þegar og ef maður finnur það virkilega hvað maður vill. Það fyrsta sem ég held að maður þurfi að gera er að skoða hvað það er sem maður þarf í raun að leggja á sig til þess að komast þangað sem maður vill og vita nákvæmlega hvað maður er að hella sér út í. Hvað það er það í raun og veru sem starf læknisins felst í.

Hefurðu að geyma réttan persónuleika til að verða læknir? Hefurðu þrautseigjuna til þess að klára námið? Áttu auðvelt með að læra? Ertu góður að taka próf? Ertu tilbúin að fórna því sem þú þarft að fórna til að láta þetta gerast? og að lokum, langar þig til þess að hjálpa fólki, allt frá morðingjum til lögfræðinga og frá ömmu og afa til ungabarna? Allt eru þetta spurningar sem ég held að maður verði að spurja sig að sé maður í raun og veru að íhuga nám í læknisfræði.

Sumt fólk hefur vitað allt sitt líf að því langi til að verða læknar. Þeir fara beinu brautina, beint úr grunnskóla, á náttúrufræðibraut menntaskólanna og fljúga þaðan inn í læknisfræðina án þess nokkurntímann að missa sjónar á takmarkinu eða fá bakþanka. Fyrir okkur hin, getur ákvörðunin verið erfið. Maður þarf að skoða sjálfan sig svolítið vel, sjá starfið án alls glans og glamúrs og reyna eftir bestu getu að meta sjálfan sig, eins hlutlaust og hægt er.

Að verða læknir tekur tíma. Fyrir flesta tekur menntaskólinn sem í raun er beinn undirbúningur undir framhaldið 4 ár. Því næst tekur við 3 ára bóklegt nám auk 4 verklegra ára og eftir þessi 11 ár ertu í raun aðeins kominn með grunnþekkinguna. Að verða góður læknir krefst svo reynslu á reynslu ofan sem kemur aðeins einnig með tímanum.

Með í ferð á þessum tíma þarf jú töluverða þrautseigju og e-ð af gáfum líka þó að góð námstækni, skipulag og vinnusemi geti auðveldlega skilið að meðalmann sem flýgur í gegn á móti fluggáfuðum manni sem kolfellur en fyrst og fremst held ég að þetta snúist um áhugann sem þarf að vera til staðar alla leið.

Auk þessa held ég að mestu máli skipti að njóta þess að hjálpa öðrum og langa til að hjálpa öðrum því það er eitthvað sem verður ekki kennt.

Læknisfræðin er fag með endalausum valmöguleikum. Í hvaða öðru fagi geturðu valið milli þess að taka á móti börnum, hjálpa bólóttum unglingum, sjá um bráðaaðgerðir, fjarlægja æxli úr einhverjum eða aðstoða fólk sem á við geðveiki að stríða.

Þrátt fyrir allt þetta sem hér er nefnt kostar þetta allt fórnir. Auk allra áranna sem fólk þarf að taka strætó í skólann á meðan það lifir á námslánum má ekki gleyma allri ábyrgðinni sem starfinu fylgir, staðreyndinni að mistök geta verið jafn dýrmæt og líf og að langar vinnustundir geta tekið sinn toll, bæði á mann sjálfann og þá sem maður elskar :)

Annars fór ég bara að hugsa þetta ............

Our home :o)

2007-09-20T17:02:00.000Z

Ég ætla að hafa þetta ofurstutt en ég varð að deila því að ég og Beta fengum samþykkt í gær kauptilboð sem við gerðum í draumaíbúðina okkar og verðum líklega kominn með lykla í næstu viku !!!!!! ÓÓÓMÆÆÆÆÆ :D

Ég trúi þessu varla en ég ætla að láta ykkur fylgjast með! Sendi inn linka og myndir og svona skemmtilegt þegar við erum búin að skrifa undir ;)

ALLT AÐ GERAST :O)

Helgafrí og próf

2007-09-07T22:28:00.000Z

Jæja þá er fyrsta lotan í hraðbraut að baki og aðeins prófavikan eftir en hún er núna í næstu viku. Planið var samt að vinna alla helgina í símanum eins og brjálæðingur en svo kom það á daginn að fjölskyldan hennar Betu er að halda svaka hitting og gleðihelgi á Vík í Mýrdal og buðu mér með. Ég gat aauuðvitað ekki hugsað mér að sitja hjá svona góðu boði svo ég ætla að keyra á morgun eftir vinnu og hitta þau en þau fóru í dag.

Annars er ég bara á fullu, líffræðipróf á mánudaginn og allt að gerast.

Þetta verður stutt í bili.

_Helgi_

Læknisfræði

2007-09-01T18:17:00.000Z

Ég er búinn að eiga nokkra slæma daga eftir að ég byrjaði aftur í skólanum í svona, skóli, vinna, skóli, vinna, skóli, vinna, #$%&/(#)=)/!" aaaaaa! Eeeeeeen svona í heildina þá hef ég aldrei verið glaðari með allt. Hraðbraut er æði og það gengur mjög og ég er bara svo glaður að vera loksins kominn á aftur á "þessa braut" :o) Hrraaaaðbaut. Ok ekki góður þessi.

En já ég held að þetta verði góður vetur, erfiður, en virkilega góður. Því eins og segir í gömlu íslensku dægurlagi, Lífið er yndislegt, sjáðu, það er rétt að byrja hér :)

Ég var einhvernveginn ekki sjálfur búinn að fatta hvað ég væri með í höndunum þar til það rann upp fyrir mér að ég verð í alvöru orðinn stúdent næsta sumar og er kominn aftur í "venjulega gírinn", skóli og mamma og æj þið vitið..

Oooog þegar ég fattaði þetta þá alltíeinu þá rann líka upp fyri rmér að ég gæti í raun reynt að gera allt sem mig langar og þessvegna ætla ég að reyna við læknisfræðina næsta vor og gera heiðarlega tilraun, þó þær verði þrjár, til að verða Dr. Helgi Þór Arason ....

Ég held að margir góðir hlutir gerist seint, eins og þeir gerast hægt og svo er nú ekkert svoooo gamall :o)
P.S. Nei Hemmi, þú getur ekki fengið mig til að skrifa upp á stera.

Annars var Beta að kaupa sér rúúm mér til mikillar gleði og það engann smá grip. Hvorki meira né minna en 90 cm hvor hlið!!! Rúmið væri eiginlega bara verra ef það væri mikið betra.

Ég er að vinna í nýrri heimasíðu sem er svona alvöru heimasíða, eftir mig, ekki blogpunktureinhvað síða. Læt ykkur vita. Myndir væntanlegar.

-Helgi

Nú verður slakað á

2007-08-27T10:42:00.001Z

Já sveimér þá, nú er liðinn hálfur mánuður síðan að ég byrjaði í Hraðbraut. Það hefur allt gengið vel so far, hef fengið fínar einkunnir úr þeim prófum sem ég hef tekið og allt annað gengið vel en auk skólans hef ég verið að vinna á FM eftir skóla frá 18 - 22 og svo allar helgar bæði laugardag og sunudag í Símanum. Svona áður en skólinn byrjaði hafði ég hugsað mér að gera þetta meira og minna í allan vetur en eftir 2 vikur hef ég séð að stundum er betra að fara sér aaaðeins hægar og vera glaður :o)

Speki dagsins er því; Ekki fara þér um of í vinnu, það eru aðrir hlutir sem skipta svo miklu meira máli :-)

Annars er Elísabet að hugsa um að kaupa sér nýtt rúm sem mun verða mikill happafengur þar sem þröngt er oft á þingi í 140 centimetrum. Eða jafnvel 130. Verst að við eigum ekkert eftir að fara fram úr :)

Ég tók svo ákvörðun í gær um að byrja að vera skipulagður fyrir veturinn auk þess sem ég ætla að byrja að taka fleiri myndir því myndir eru jú bara skemmtilegar.

Ég veit, það ákveður enginn svona nema ég.. en ég á það til að vera smaaá skrýtinn c",)

More laterio....

Bara nokkrar línur...

2007-08-24T17:59:00.001Z

Ég er á lífi. Bara búið að vera brjálað að gera.

Skóli og vinna, skóli og vinna, en annars gengur vel í skólanum so far og ég held að ég eigi alveg eftir að tækla þetta fínt. Er í beinni öll virk kvöld núna þessar vikurnar á FM957 milli 18 - 22. Svona ef þú átt leið hjá útvarpi :0)

Allt og ekkert og Menningarnótt

2007-08-15T09:26:00.000Z

Ég sit hér í Líffræði 203 og er að hlusta á kennarann minn tala um maga og meltingarfæri. Ég var svangur fyrir en svo þurfti hann að fara að tala um munnvatnsframleiðslu og mismunandi matartegundir svo nú er ég tilneyddur að fara og fá mér e-ð..

Annars er ég svooo ánægður með þetta fyrirkomulag í þessum skóla og svo skemmir ekki fyrir að fá stúdentshúfuna næsta vor. Þótt fyrr hefði verið.

Annars er bara gott að frétta, menningarnótt á næstu helgi og mikil pressa á mér. Í fyrsta lagi pressa frá sjálfum mér með að drífa mig í 10km-ana í maraþoninu og pressa frá strákunum að djamma. Ég á svona eftir að sjá til hvernig þetta fer.

Í gær fór ég með Betunni minni og litlu "strákunum okkar" í sund í Mosólaugina. Hún er alltaf jafn bissí enda ekki nema furða. Frábær dagur það sem endaði svo með því að ég var á FM í beinni frá 18 - 22.

..oog fékk kalkúnssubway!

Tinna, you're link is hier :)

Er að klára næturvakt......

2007-08-12T07:34:00.001Z

....held ég sé að deyja!

Læt vita hvernig fer.

-H

Nýtt útlit - Nýjir tímar !

2007-08-09T15:55:00.000Z

Ég ákvað að taka út draslið sem var á síðunni hérna og setti inn könnun og 3 myndir sem ég stal af síðunni hennar Betu og tengla á e-a vel valda vini og vandamenn.

Þeir sem vilja vera "vinir mínir" úú, endilega setjið í kommentin slóðina á síðuna ykkar því ég vill endilega safna flottum lista þarna.

Það eru spennandi tímar framundan:) Af einhverjum ástæðum finnst mér alltíeinu voða auðvelt að tækla mikið af hlutum sem ég er búinn að vera að trassa lengi. Ég græjaði skólamálin mín og er að byrja á næsta mánudag, ætla að taka þetta með TROOOOMPI, ég er búinn að kaupa möppu undir heimilisbókhaldið mitt. Ég skil ekki hvað er í gangi. Jú samt smá ;)

Ég ætla að fá lánaða digital myndavél eða kaupa mér ódýra og taka myndir og setja hér inn og blogga í vetur.

-Helgi

Þjóðhátíð 2007 !!

2007-08-07T21:45:00.000Z

Jæja þá er liðin rúmur mánuður síðan ég bloggaði síðast og miiiikið og margt gerst síðan þá. Ég hef hreinlega haft svo mikið að gera að ég held ég geti með sanni sagt að ég hafi varla haft tíma til að skrifa neitt hér (fyrir utan 3 næturvaktir í röð þar sem ég gerði EKKERT) en kom ekki út orði vegna þreytu :)

En semsagt, margt hefur gerst!! Ég er loksins búinn að fá skólamálin mín á hreint. Ég fékk inn í Hraðbraut þar sem ég fer á skólasetningu á fimmtudagsmorguninn, ég minntist á það við mömmu og hún varð alveg miður sín að hún kæmist ekki með mér, ég sagði henni að það væri kannski ekki AAALVEG must að fylgja mér núna, hún þyrfti víst að sætta sig við að ég væri orðinn 249 mánaða gamall, 176 centimetrar og heil 70 kíló MEÐ skóltösku :o) svo ég held ég spjari mig nú á skólasetningunni með krökkum sem eru FÆDD ÁRIÐ 1991 ! JÁ ÉG VEIT NÍTJÁNHUNDURÐ NÍTÍU OG FOKKING EITT !!
En það er alltílagi, ég ætla bara að mæta og læra og læra og læra og verða stúdent vorið 2008. 2 árum á eftir áætlun.

En að máli málanna......................

ÞJÓÐHÁTÍÐ Í EYJUM 2007
Ég fór í fyrsta skipti á Þjóðhátíð núna um helgina og var bara að koma heim í gær. Ég hafði ákveðið að fara fyrir löngu síðan "with the dudes", Markús og félögum en svo hittist svo vel á að Betan mín var einmitt líka á leiðinni með sínum vinum. Við ákváðum samt að fara bara 2 með herjólfi svona bara að gamni og vorum mætt á fimmtudagskvöldið klukkan 22.

Án þess að ég fari að fara yfir dagana hvern og einn þá var þessi ferð í stuttu máli einhver, ef ekki allra besta helgi lífs míns. Ég fékk að gista með stelpunum á gistiheimilinu flestar næturnar þar sem við áttum margar góðar stundir, mjög svo mis-edrú þó!

Sumir drápust inní tjaldi þessa helgi, aðrir strippuðu, einhver fór með með stelpu inní tjald en fékk það ekki vegna mikils áfengismagns í blóði, aðrir týndu bíllyklunum sínum, einhverjir rifust og sumir voru ástfangnir og hlustuðu á brekkusöng sem þeir munu aldrei gleyma.

Myndirnar hennar Betu hér >>

Meira fljótt!
Helgi

Yippy-Kay-Yay-Motherfucker

2007-07-04T20:30:00.000Z

Já ég veit, langt síðan ég bloggaði síðast. Það fyndnasta við það er að ég sit fyrir framan tölvu ALLAN daginn í Símanum og mestan partinn af þeim tíma er ég ekki að "gera neitt" þannig sérstakt. En betra er að byrja rólega en að sprengja sig á fyrstu metrunum sagði einhver;)

En til að útskýra titilinn á blogginu, þá er ég á leiðinni í bíó í kvöld á hina miklu mynd, DIE HARD 4.0 ! Sem ég hef tröllatrú á, svona miðað við það sem maður hefur verið að heyra útundan sér og svo er trailerinn líka eins og að vera sleginn í framan með blautri tusku af HASAR! Svo fyrir "litla" (mjöööög stórt orð) stráka er þessi mynd ábyggilega topp ræma, hinsvegar mun ég fara í bíó með Elísabetu og við skulum segja að við séum "mis" spennt.. Þó ekki sé meira sagt!

Annars er þetta búið að vera RUGL fínt sumar, geðveikt veður og ég labba útúr húsinu mínu á hverjum morgni haldandi að ég sé annarstaðar en á Íslandi. Búinn að eyða góðum tíma í sundlaugunum svo ég er farinn að fá smááá lit, sem gerist annars mjög sjaldan nema jú með ofnotkun á ljósabekkjum sem ég má ekki lengur gera ... ég þekki hjúkrunarfræðinema sem er ekki sáttur.

Hemmi vinur minn var að kaupa sér Audi TT og ég er afbrýðisamur bíladellustrákur, en hinsvegar er veskið mitt ekki afbrýðisamt þar sem ég veit hvað hann er að borga á mánuði.

HINSVEGAR... í ljósi þess, hef ég ákveðið að taka mótorhjólapróf í sumar! Láta langþráðan draum rætast. Ég veit að það er pínu lúðalegt að ætla að verða mótorhjólagaur núna, en þú veist, betra að taka þetta út bara núna en ekki um fimmtugt ;)
Ég ætla að byrja á því að fá mér svona barnatæki 50cc, lítur út nákvæmlega svona! enda sjáiði verðið!! Þetta er gefins, miðað við cool-factorinn sem er 9 af 3 mögulegum! Allaveg er þetta fín byrjun áður en ég fer að drepa mig á 1000 hjóli.

Ég sótti einnig um í Hraðbraut sem ég er að vona að gangi í gegn og með þau plön að leiðarljósi verð ég orðinn stúdent næsta vor. Vúhú, betra seint en aldrei :(

Fyndið hvað ég get samt misst mig þegar ég á annaðborð byrja að skrifa blogg.. fjúff!

Annars er ég glaður, í alla staði. Vona að veðrið haldist!

Meira síðar....... Helgi!

Stórar fréttir !

2007-06-19T18:19:00.000Z

Já haldiði að hún mamma sé ekki bara að spá í að flytja í borgina, eða nánar tiltekið í Hafnafjörðinn og það gjörsamlega VIÐ HLIÐINA á Hermanni og pabba hans. Mér líst annars voðalega vel á þetta. Nú getur maður loksins aftur farið "heim til mömmu" í helgarmat og kaffi og JAFNVEL ef ég er heppinn fengið hana til að skúra (með mér) þegar hún kemur í heimsókn. ..... ætli þetta þýði að ég geti selt þvottavélina mína? Þið sjáið hvernig spurningar vakna upp!

Annars er allt gott og gott betur en það. Fínasta veður þessa dagana, reyni að vera iðinn við sundlaugarnar þrátt fyrir að vera jú svo alltaf í world class þess á milli...

Ég er búinn að panta far með Herjólfi til Eyja (er að fara á þjóðhátíð!!) á fimmtudeginum fyrir versló, ég og Vatnsberinn ákváðum að fara degi á undan öllum öðrum og taka forskot á sæluna... Taki það til sín sem eiga .. :)

Við Hemmi fórum í morgun og reynsluókum Audi TT, OFUR fögrum 180HÖ og túrbínusánd dauðans! Eeeen ég er ekkert abbó. Nú er ég bara að vera skynsamur. Ætla að eiga gamla gránann minn í amk ár í viðbót, taka skólann næsta vetur, vinna í Símanum af hörku og já.. taka násmanninn á þetta!

Svo ætla ég að reyna að kíkja heim á ísafjörð í lok júlí! Alveg möst......!

Meira seinna....

FM partey !

2007-06-15T22:37:00.000Z

Já ég held það nú .. virkilega skemmtilegt effemm partí í gangi akkúrat núna með mér svo endilega hlustaðu á það! Annars er ég búinn að vera að vinna samfellt í 13 tíma núna og held að ég sé farin að keyra á e-m leyndum varabatteríum :o)

Endilega hringdu í 511-0957 fyrir þitt óskalag!
eða gemsann ef þú veist hann.... :)

FM957 í beinni á netinu >>>

Sumar og sól !!

2007-06-12T16:12:00.001Z

Það var mikið! Ég er svo innilega að sumarið eigi eftir að verða allt í líkingu við þessa 3 sólardaga sem hafa verið undanfarið.

Annars er allt gott að frétta, og reyndar gott betur en það :o) alveg frábært.. Dagarnir hafa farið í Heims Klassann, laugardalslaugina, Magna og nýja Guitar Hero leikinn sem hann keypti sér (en hann á ekki playstation svo þetta er allt heima hjá mér .. múhaha) og að lokum að sjálfsögðu vinnuna, sem hefur tekið tímana 2. Hef verið bæði á FM957 og í Símanum.
.. svo er ég bara e-ð svo glaður þessa dagana =) I have my reasons :o)

Annars á Ingvar nokkur Alfreðsson afmæli í dag og við elskum hann öll og hann er bestur og allt það ! Flott Ingvar... flott flott... ;)

Þráðlaust rafmagn !!

2007-06-09T11:39:00.001Z

Vá hvað ég er fáránlega ánægður! Ég hef verið að rökræða við ónefndan vin minn í gegnum tíðina að þráðlaust rafmagn sé möguleiki og ætti að verða veruleiki eftir ekki of mörg ár og viti menn, nú er þetta allt að gerast.. Lestu þetta:

Bandarískir vísindamenn hafa hannað frumgerð að þráðlausri yfirfærslu á rafmagni frá orkugjafa til móttakara um tveggja metra leið. Þar með hefur verið sannað að hægt er að senda rafmagn þráðlaust í heimilistæki og tölvur. Tímaritið Science skýrði frá því hvernig 60 W ljósapera lýsti þráðlaust í 2ja metra fjarlægð frá orkugjafanum.

Tilraunaútgáfa af útbúnaðinum samanstendur af tveimur koparkeflum sem eru um 60 cm að ummáli og flytja orku með meðsveiflun sem er fyrirbæri sem fær hluti til að titra þegar orku með ákveðna tíðni er beitt. Þegar tveir hlutir hafa sömu meðsveiflun geta þeir skipst á orku án þess að hafa áhrif á aðra hluti í umhverfinu. Líkt og mörg hundruð vínglös af sömu stærð með mismiklum vökva hafa öll ólíka meðsveiflun eða hljómun en eitt glas mun springa eða hljóma ef réttri tíðni er náð.

WiTricity notfærir sér ekki hljóðbylgjur heldur rafsegulbylgjur með mjög lága tíðni. Í tilrauninni voru koparkeflin látin enduróma á 10 Mhz. Rafsegulbylgjurnar eru hættulausar fólki og ætla má að þessi tækni verði þróuð áfram og líklegt að rafmagnssnúrur heyri brátt sögunni til.

ENGAR RAFMAGNSSNÚRUR! HEYRIÐI ÞAÐ :o) !!!!

Fréttin á mbl.is

Jeep Wrangler - Hot or not ?

2007-06-08T21:30:00.000Z

Æj ég er svo veikur fyrir því að fá mér nýjan bíl og það versta er að allir bílarnir sem ég er að skoða eru algjörlega fáránleg kaup! Ég fór í dag og reynsluók einu stykki Jeep Wrangler 1995 árgerð, það væri ekkert lítið gaman að eignast einn svona til þess að geta nostrað svoldið við, lagað alla þessa "litlu hluti" og gert bílinn smátt að aaaalgjörum draumamola! Þó hann sé nú helvíti skemmtilegur eins og hann kemur úr sölunni.

En eftir reynsluaksturinn þá svona veit ég ekki alveg, þetta er jú bensínhákur, algjörlega GEFIÐ að hann bili áður en langt um líður og svo er þetta jú ekki besti innanbæjarbíllinn. Æj ég veit ekki. Er þetta kannski ekki málið?

PS. Það er hægt að taka þakið AF !! haha.. =)

Jeep Wranglerinn - Linkur hér

Ég ætla að endurvekja bloggið mitt !

2007-06-07T16:55:00.000Z

Já sveimér þá ég ætla að gera enn eina tilraunina til að vera bloggari og í þetta skiptið ætla ég að leggja mig allan fram í að vera duglegur..

Eins og sést hér fyrir neðan þá eru næstum því 2 ár síðan ég skrifaði síðast inná þessa síðu og eins og sjá má á þeim skrifum hef ég verið e-ð voðalega bitur ungur maður á þeim tíma :-)

Þetta verður bara létt og skemmtilegt.

Mig langar að byrja á því að segja ykkur hvað ég er að gera í dag en þessa stundina er ég að vinna hjá Símanum í Tæknilegri Aðstoð auk þess sem ég hef verið að fá útrás fyrir talgleði mína bakvið mækinn á FM957.

Annars hefur nú margt gerst á þessu eina og hálfa ári, bæði gott og slæmt. Ég bý enn í Reykjavíkinni og er sem stendur að leigja með honum Markúsi félaga mínum frá önundarfirði. Eðaldrengur það...

Ég hef svarið þess heit að þetta sumar verði sumar úrbóta í félagsmálum mínum, ég ætla að endurnýja tengslin við gömlu vinina sem ég hef ekki heyrt í í ALLLLLTOOOF langan tíma :(

Frumsamda speki dagsins er semsagt: Eignastu vini, marga vini og ...... uu, vertu góður við þá !

Íslendingar eru fífl!

2005-10-03T22:05:00.000Z

Við Íslendingar erum algjörir lúðar. Hvort sem það er bensín, áfengi eða matvara þá kaupum við alla hluti á uppsrengdu verði! Við nöldrum og tuðum eins og allir heilvita men sem skikkaðir væru til þess að kaupa einn líter af bensíni á meira en við borgum fyrir mjólkurlítrann, en það er allt og sumt! Það er allt sem við gerum, að væla og tuða!

Hvernig væri að gera e-ð í málinu. Auðvitað þýðir ekki fyrir einn mann að hætta að keyra, drekka bjór og fara í hunguverkfall. En hvernig væri að byrja sameiginlegt átak á e-i netsíðu eða í fjölmiðlum.

Annars hefur það komið á daginn að stjórnkerfi lands vors, hvort sem það er dómskerfið eða fjölmiðlar eru svo gerspillt að þeim væri ekki treystandi til að skýra hund á hlutlausan hátt! Allt snýst þetta um pólitík og aftur pólitík. Annaðhvort þarftu að vera ra**sleikjandi sjálfstæðismaður, helst með þverslaufu og mynd af Dabba á náttborðinu eða heita Jónína Ben og vera bara skrýtin. Fyndið þykir mér að Jónína Ben sé kennd við líkamsræktarstöðvar því svo virðist sem hún hafi aldrei stigið fæti inn í eina slíka.

Ég gæti af mörgum talist til örgustu sveitamanna, strákurinn sem hélt að stöðumælasekt væri kvittun fyrir því að leggja sá samt eitt það mesta brjálæði sem hann hefur vitað til!

..og það er húsnæði Orkuveitu Reykjavíkur uppá höfða! Hafiði séð þetta hús! Glerin hafa ekki gardínur heldur breytast í frostrósagler með því að smella á takka. Gosbrunnar renna í gegnum allar hæðir og so on ! Þetta fara skattpeningarnir okkar í! Því að Alfreð og félagar í R-listanum dugði ekki að sitja í smekklegum skrifborðstól með meðalmennskuaðbúnað heldur þurftu þeir að reisa eitt glæsilegasta hús landsins, fyrir skrifstofur!! Þeir hafa litla indverja með þverslaufur sem einkaþjóna sem færa þeim kaffi!

og að lokum, ekki gefa ríkustu þjóð 20 milljónir króna úr ríkissjóði af því að þeir eyða peningunum sínum í að drepa saklaust fólk 15 þúsund kílómetra að heiman! ég vill minnast á að 20 milljónir króna duga ekki fyrir EINU flugskeyti!

prófum aðeins að hugsa,

takk

Bloggið lifir!

2005-09-27T08:49:00.000Z

Já sveimér þá, sum ykkar hafa örugglega haldið að ég væri dauður! En nei, síður en svo. Ég er ekki dauður!

Ég hef verið að eyða undanförnum dögum, vikum og mánuðum í eftirfarandi; Vinnu, Heitar Lummur, Fótbolta, Sund, Líkamsrækt og Tölvuleikjaspilerí (allt capital, bara!)

Mig langar í nýja myndvél! Nánar tiltekið þessa hérna! En ég veit ekki hversu duglegur maður yrði að nota hana!

Ég eyddi öllum gærdeginum á hárgreiðslustofu með krökkunum og í ljósmyndastúdíóinu. Við tókum upp plaggötin fyrir Heitar Lummur og ýmisst svona prómó dót. Mæting kl. 09:00 og ég kom heim kl. 23:15 ! Það gera 14 tíma og kortér! Urrg.....

Ætla að reyna að kíkja heim á ísafjörð við tækifæri en ,,við tækifæri" hefur orðið tapað allri merkingu. Við tækifæri þýddi alltaf ,,á næstu helgi" eða strax í dag, en núna veit ég ekki hvað næsta tækifæri verður. Kannski ekki fyrr en í janúar! Synd og skömm!

En jæja, ég ætla ekki að hafa þetta lengra í bili, verið dugleg að commenta!

...?

2005-09-02T08:44:00.000Z

Hvað segiði nú skemmtilegt?

Lífið og tilveran

2005-08-25T14:37:00.000Z

Heitar Lummur fóru af stað síðastliðinn föstudag, við verðum á fullu í vetur svo ég nenni ekki að skrifa meira um það! Annars er rosalega latur núna, nenni ekkert að gera!

Veit ekki hvað þetta á að þýða!

Gullfiskaþraut

2005-08-23T18:07:00.000Z

381971457200165725

0=n
1=(bil)
2=i
3=é
4=f
5=a
6=m
7=r
8=g
9=e

Blogg

2005-08-09T15:44:00.000Z

Blogg

Fínasta helgi (helgi)

2005-07-25T16:37:00.000Z

Helgin var góð...!

Á föstudaginn var planið að kíkja í afmælið til Palla, kærasta Brynju, vinkonu Ingu, kærasta Helga (ég) en lítið varð úr því að Inga greyið var hálfveik og við vorum bara heima. Horfðum á sjónvarpið og höfðum það gott!

Á laugardaginn var ekkert planað en allir í lúmsku stuði. Við fórum til Völu um 10 leytið og sötruðum þar og hituðum upp fyrir ballið um kvöldið. Valur var að fara að syngja með Stuðmönnum á Nasa svo við eltum hana þangað (ég og Inga) og byrjuðum að dansa og áður en við vissum af var klukkan að ganga 5! Frábært djamm!

Svo í gærkvöldi kíktum við á The Longest Yard í bíó, góð mynd!

Meira í vikunni! :)

Loksins loksins!

2005-07-23T12:02:00.000Z

Í dag verður hæg norðvestlæg átt eða hafgola. Léttskýjað verður suðvestanlands og einnig inn til landsins í flestum landshlutum, en víða þokuloft við ströndina, einkum yfir nóttina. Hiti verður 10 til 22 stig, hlýjast inn til landsins suðvestantil.
Klukkan sex í morgun var hægviðri á landinu, Víða skýjað og þokuloft, en sums staðar léttskýjað suðvestantil.
Klukkan níu var 12 stiga hiti í Reykjavík, 11 stig á Akureyri, 8 stig á Egilstöðum og 12 á KirkjubæjarklaustriHeimild: MBL.IS

JÉSS!

Djamm á helginni!

2005-07-21T10:00:00.000Z

Jæja, nú verður tekið á því á helginni!

Undanfarnar helgar höfum við Inga farið uppí sumarbústað og tekið því rólega og á síðustu helgi fór ég svo heim á Ísafjörð og fór í hóp-heimsóknir.

Núna er svo búið að ákveða að það verður djammað. Eða svo var mér tilkynnt frá Ingu í gær :o)
Það er víst smá fimmtudagsdjamm í kvöld, Valur í fríi annaðkvöld svo þá verður partí og svo á ball með Stuðmönnum og Hildi á laugardaginn á NASA!

Ég veit ekki hvort ég hef þetta af eftir svona langt djammfrí!?

Kemur í ljós......

Nýr bíll!

2005-07-20T10:26:00.000Z

Opel Vectra

Tóm gleði !

Verslunarmannahelgin?

2005-07-19T11:23:00.000Z

Nú fer að styttast í verslunarmannahelgina og ég er að spá hvar landið liggur? Hvert ætlar fólk almennt að fara um helgina?

Þjóðhátíð í Eyjum eru auðvitað vinsæll kostur en ég bara held ég fari frekar næst. Ekki alveg upplagður í útifyllerí.

Endilega segið hvert þið ætlið, hugmyndir vel þegnar!

BÍÓ.IS

2005-07-12T13:54:00.000Z

Sumir halda að ég sé að auglýsa eitthvað! En nei! Nefnilega ekki. Ég er bara að svona, já, kynna ykkur það sem er svo frábært!

Hefurðu aldrei hugsað: Hmm... Langar mig í bíó?

Nú geturðu bara farið inn á www.bio.is og kíkt hvað er í bío, annaðhvort eftir mynd eða kvikmyndahúsi! Svo er hægt að kommenta um myndir, skoða ALLT um þær! Gefa þeim stjörnur og síðast en ekki síst er alltaf verið að gefa hitt og þetta tengt myndunum. Varning og forsýningar aðeins fyrir meðlimi BÍÓklúbbsins!

Eina málið er verðið í klúbbinn! Vitiði hvað það er?

0 kr! Skráðu þig núna! BÍÓklúbbur BÍÓ.IS

Ég og X-ið

2005-07-11T16:42:00.000Z

Ég hef komist að því að útvarpsmenn X-sins FM97.7 eru ekki beinlínis vinir mínir. Mér er farið að teljast svo til að þeir hati mig ef eitthvað er. Ekki kvarta ég þó. Mér er alltaf skemmt þegar ég heyri þá tala um mig í listunum sínum!

Fyrir þá sem ekki vita hvað ég er að fara þá hafa glöggir tekið eftir því að á útvarpsstöðinni X-inu eru alltaf svona topp 10 listar yfir hina og þessa hlutina. Nú t.d. síðast var í dag listi yfir þá hluti sem löggan ætti að fara að nota við yfirheyrslur. Númer 8. á listanum var svo enginn annar en ég ! En fyndið! Semsagt, nr. 8 - Að láta glæpamenn sæta umræður um heimsmálin við Helga Þór í Idol!

Þetta er ekki í fyrsta sinn sem ég heyri þetta en ég vona að þeir haldi þessu áfram því mér finnst þetta mjög gaman! =o)

Ég verð samt að lýsa yfir takmarkaðri hrifningu minni af stöðinni. Til þess að hljóma ekki eins og bitri gæinn ætla ég að rökstyðja mál mitt:
Þar sem ég vinn núna er stöðin látin malla mikið á útvarpstækinu sem glymur yfir eyrunum á mér og eftir að hafa hlustað í svona u.þ.b 6 tíma samfleytt tók ég eftir einu. Ég var búinn að heyra svona 8 lög! Ég get svo svarið fyrir það! Annaðhvort eiga þeir lítinn harðan disk, lélegan playlista eða kunna ekki að rippa lög í Windows Media Player. Ef einhver starfsmanna les þennan póst þó er ég meira en lítið til í að chippa inn í fyrir nýjum disk eða kenna ykkur á Winamp eða Windows Media, allt eftir þörfum:)

Ok, ég segi ekki orð!

2005-07-01T09:34:00.000Z

Ég held að ég geti ekki einu sinni reynt að afsaka þessa framkomu mína sem bloggara en ég hef bara ekkert verið að standa mig! Nú vill ég samt í 5skiptið meina að nú stefni í bjartari tíma!

Annars er það af mér að frétta að Djúpa laugin er búin, síðasti þátturinn var á föstudagskvöldið síðasta og að ég er byrjaður í nýrri vinnu! Ég segi ekki nákvæmlega hvað það er en endilega kíkið á www.bio.is ! Góð síða!

Svo er ég bara alltaf að leigja með Gunna og hafa það gott í borginni, látið nú heyra í ykkur kæru vinir og kunningjar !:)

Bestu kveðjur,
Helgi Þór

;)

2005-06-21T15:44:00.000Z

;) ;) ;) ;) ;) ;) ;) ;) ;) ;)

Jájájá!

2005-05-30T11:38:00.000Z

Ég fer að blogga fjótlega!!

Brjáluð helgi!

2005-04-25T13:54:00.000Z

Úff það er nú ekki oft sem maður er feginn að komast aftur í vinnuna á mánudegi en þessi helgi var svoleiðis! Hún byrjaði með þætti á föstudagskvöldið og ég var ekki komin heim fyrr en að ganga 2, svo varð maður bara að rífa sig upp kl.7 til að fljúga vestur þar sem við í Apollo vorum með ball í Sjallanum á laugardagskvöldið!
Svo var æft stíft allan daginn en ballið byrjaði svo uppúr miðnætti! Það tókst bara vel og mættu hátt í 200manns í litla sjallan okkar fyrir vestan.. Svo flaug ég aftur suður á sunnudeginum og fór á æfingu með Nokkuð Skothelt !

Þetta var helgin, skrifa meira seinna
Helgi Þór

Að búa til nýja síðu!

2005-04-20T16:59:00.000Z

Ég er að vinna í því núna að útbúa nýja síðu, sem yrði þá ekki undir blogspot. Þar yrði dagbók, eitthvað um mig og dagatal sem sýnir hvað ég er að gera þessa dagana í spileríi og þess háttar! Ég er að vona að þessi síða verði tilbúin bara á allra næstu dögum en þið getið fylgst með gangi mála hér á slóðinni www.simnet.is/hta/helgi =)

Helgi Þór

Kominn aftur !

2005-04-20T12:13:00.000Z

Jæja elskurnar mínar, þetta er búið að vera dotlið langt hlé frá blogginu!
Eins og einhverjir tóku eftir sem hafa verið að lesa þessi skrif mín þá þurfti ég að loka blogginu fyrir u.þ.b 2 mánuðum síðan vegna Idolsins, þeas vegna fjölmiðlabannsins sem við vorum í en nú er kominn aftur og ætla að vera enn duglegri en síðast!

Það sem er að frétta svona helst er að ég er byrjaður að vinna hér í bænum, er að stjórna stefnumótaþættinum Djúpa laugin 2 á SKJÁEINUM og er einnig byrjaður í nýju dúndurbandi!

Fljótlega mun ég þó líklega setja upp nýja síðu sem verður með bloggkerfi og dagatali þar sem hægt er að fylgjast með því hvað ég er að gera:)

Fylgist endilega með,
kær kv, Helgi Þór =)